Зөвлөмж: Өвсийг 8-10 см өндөр ургахад малдаа идүүлээрэй

Урин дулааны улирал ирж байгаатай холбогдуулан nogoonerel.mn сайтын зүгээс малчиддаа зориулан малын бэлчээрийг үр ашигтай ашиглахад туслах үүднээс дараах зөвлөмжийг хүргэж байна.

Хавар үетэн ургамалд гурван навч ургадаг бөгөөд дөрөв дэх навч гарч ирэхэд эхний навч үхдэг.

Эхний навч нь өвсний 10-15%-ийг үүсгэдэг бол хоёр дахь навч нь өвсний 30-40%-ийг үүсгэдэг. Гурав дахь навч нь өвсний 45-55% -ийг бий болгодог.

Харин гурав дахь навч гарахаас нь өмнө бэлчээрийг малд идүүлснээр тухайн бэлчээрийн өвсний ургац 45-55% хүртэл хорогддог байна.

Иймд гурав дахь навч гарсан бэлчээрийг малдаа идүүлэлгүйгээр 23-24 хоног хүртэл уртасгахад өвсний ургалт 0.5 хувь илүү ургадаг байна.

Хамгийн сайн чанарын өвс нь 2.5 – 3 навчтай байдаг ажээ.

Бэлчээрийг ашиглахдаа өвсийг 8-10 см өндөртэй болоход нь малаа бэлчээж, 4-5 см хүртэл идүүлээд үлдээвэл сахарын нэгдэл нь өвсөнд хадгалагдан үлдэж, дараа дараагийн навчийг ургуулахад тусалдаг.

Үлдэгдэл хоорондын тэнцвэрийг хангахын тулд бөөгнөрөл хооронд 4-5 см, бөөгнөрөл дээр 10 см зай үлдээнэ үү.

Мэдээж навчны өсөлтийн хурд нь температур, чийгээс хамаарна.