Балба: Үймээний улмаас 22 хүн амь үрэгдэж, 500 гаруй хүн шархдаад байна

Өнгөрөгч даваа гарагт Балбын нийслэл Катманду хот дахь парламентын ордны гадна “Z үеийн хувьсгал” нэртэй эсэргүүцлийн ажиллагаа эхэлсэн.

Балбын засгийн газраас "Facebook, Instagram и WhatsApp" зэрэг нийгмийн сүлжээний 26 хэрэгслийг хориглосныг эсэргүүцсэн залуучууд, оюутнууд голдуу оролцсон жагсаал зөвхөн нийслэлд төдийгүй томоохон долоон хотод өрнөсөн байна.

Тус улсад авлига, хээл хахууль ихээхэн газар авч, төрийн түшмэд тансаг амьдралаа гайхуулан сагсуурах болсонд залуучууд,  жагсагчид хилэгнэж байгаагаа эрс түрэмгий илэрхийлж эхлэхэд хууль хамгаалах хүчнийхэн жагсаалыг тараахын тулд галт зэвсэг, нулимс асгаруулагч хий, ус шүршигч ашиглаж эхэлжээ. Энэ үеэр 22 хүн амь үрэгдэж, 500 гаруй хүн шархдаж гэмтсэн байна.  

Эсэргүүцлийн ажиллагаанд оролцогчид парламентынхаа ордныг шатаасан бөгөөд тус улсын Ерөнхий сайдын хувийн ордон болон Балбын Ерөнхийлөгчийн орд харшийг галдан шатаажээ.

Мөн засгийн газрын сайд нар болон улс төрчдийн гэр орныг галдан шатаасан байна. Энэ үеэр тус улсын Ерөнхий сайд асан Жан Натха Ханалын эхнэр амь үрэгдсэн ажээ. Балбын Засгийн газар болон олон яам байрладаг Сингха Дурбар ордныг мөн галдан шатаасан байна.