Баянгол дүүргийн Онцгой комисс (ДОК) өнөөдөр хуралдаж, дүүргийн Онцгой комиссын дарга Ө.Сумъяабаатар удирдан явууллаа. ДОК-ын хурлаар дүүргийн хэмжээнд Улаанбурхан өвчний тархалт, түүнээс урьдчилан сэргийлэх, тархалтыг хязгаарлах хариу арга хэмжээг эрчимжүүлэх болон болзошгүй үер усны аюулаас урьдчилан сэргийлэх ажлын хүрээнд хийж хэрэгжүүлэх арга хэмжээний талаар хэлэлцлээ.
Хурлын эхэнд дүүргийн ОБХ-ын дарга Н.Оюунболд өчигдөр нийслэлд орсон борооны улмаас дүүрэгт үүссэн нөхцөл байдал болон үер буусан үед мэргэжлийн байгууллагын хүн хүч, техникийн бэлэн байдал ямар байгаа талаар цаг үеийн мэдээлэл өглөө. Мөн хороодын Засаг дарга нар хариуцсан нутаг дэвсгэрт нөхцөл байдал ямар байсан болон цаашид анхаарах шаардлагатай асуудлын талаар мэдээлэл өглөө.
Мөн дүүргийн Эрүүл мэндийн төвийн дарга Ц.Бямбасүрэн дүүргийн хэмжээнд улаанбурхан өвчний тархалтыг хязгаарлах хариу арга хэмжээ, үндэсний товлолын болон нөхөн дархлаажуулалтын хамрагдалт, эмнэлгийн тусламж үйлчилгээний хүртээмжийг хэрхэн нэмэгдүүлэх талаар нэгдсэн мэдээлэл өглөө. Ингэхдээ,
- Өнөөдрийн байдлаар дүүргийн хэмжээнд 0-18 насны 88132 хүүхэд байгаагаас 74612 буюу 84.6 хувь нь УГУ дархлаажуулалтад хамрагдсан байна.
- Одоо хамрагдах шаардлагатай 14321 хүүхэд байна.
Иймд 6-8 сар, 10-14 насныхан болон товлолт дархлаажуулалтад хамрагдалгүй хоцорсон 0-15 насны 14321 хүүхдүүдийн 95 хувь(13604)-ийг 7 дугаар сарын 10-ны өдрөөс өмнө “Хаалганаас хаалганд” зарчмаар УГУ-дархлаажуулалтад хамруулах шаардлагатай байгаа. Үүний тулд ЭМТ-өөс дархлаажуулалтын 32 баг гаргасан бөгөөд хороодын ӨЭМТ-үүдэд ажлын өдрүүдэд 00:9- 21:00 цагийн хооронд дархлаажуулалт хийнэ. Мөн явуулын баг гэр хорооллоор явж дархлаажуулалт хийнэ гэсэн мэдээллийг өглөө.
Үүнтэй холбоотойгоор ерөнхий боловсролын сургууль, цэцэрлэгт суурилсан дархлаажуулалтын ажлыг зохион байгуулах, багш, сурагчдыг бүрэн хамруулах, эцэг, эхчүүдэд дархлаажуулалтын талаарх зөв ойлголт мэдээллийг хүргэх ажлын хүрээнд дүүргийн хэмжээнд үйл ажиллагаа явуулдаг боловсролын байгууллагын нийт удирдлагууд, ӨЭМТ-ийн дарга нар болон 1-34 хорооны Засаг дарга нартай цахимаар хуралдлаа. Хурлын үеэр УОК-оос өгсөн үүрэг даалгаврыг танилцуулж цаг үеийн шаардлагатай мэдээллүүдийг өглөө. Мөн дараах үүрэг даалгаврыг өглөө. Үүнд:
Үүнтэй холбоотойгоор ерөнхий боловсролын сургууль, цэцэрлэгт суурилсан дархлаажуулалтын ажлыг зохион байгуулах, багш, сурагчдыг бүрэн хамруулах, эцэг, эхчүүдэд дархлаажуулалтын талаарх зөв ойлголт мэдээллийг хүргэх ажлын хүрээнд дүүргийн хэмжээнд үйл ажиллагаа явуулдаг боловсролын байгууллагын нийт удирдлагууд, ӨЭМТ-ийн дарга нар болон 1-34 хорооны Засаг дарга нартай цахимаар хуралдлаа. Хурлын үеэр УОК-оос өгсөн үүрэг даалгаврыг танилцуулж цаг үеийн шаардлагатай мэдээллүүдийг өглөө. Мөн дараах үүрэг даалгаврыг өглөө. Үүнд:
-
Улаанбурхан өвчнөөр өвчилсөн хүүхдүүдийн олонх нь 10-14 насныхан байгаа тул боловсролын байгууллагынхан ДОК болон мэргэжлийн байгууллагаас өгч байгаа зөвлөмжийн хүрээнд эцэг эхчүүдэд дархлаажуулалтын талаар үнэн зөв мэдээллийг цаг алдалгүй хүргэх,
-
Дархлаажуулалтын цахим сан, мэдээллийн 1 урсгал бий зорилгоор дүүргийн ЭМТ, 1-34 хорооны нийгмийн ажилтантай хамтран дүүргийн хэмжээнд хаягийн зөрчилтэй гэж бүртгэгдсэн 4018 хүүхдийн тулгалтыг хийх, мөн ягаан дэвтрийн түүврээр батлагдсан УГУ-дархлаажуулалт хийгдсэн 11000 хүүхдийг цахимд шивж оруулах,
-
Гэр хорооллын гуу жалга болон үерийн далан сувгийн үзлэгийг зохион байгуулан хог хаягдлыг цэвэрлэн, ус нэвтрүүлэх нөхцөлийг нэмэгдүүлж, хэвийн ажиллагааг хангуулах
-
Үер ус зэрэг байгалийн гамшиг болсон үед мэргэжлийн байгууллаууд хэрхэн ажиллах талаар төлөвлөгөө гаргах танилцуулах, 3-4 хороог хариуцсан байцаагч томилох зэрэг үүрэг даалгаврыг өглөө.
Хот нийтийн аж ахуйн салбарт 300 орчим машин техникээр парк шинэчлэл хийжээ
Авто зам барихгүйгээр түгжрэлээс салах гэж дахин 20-30 жилийг зарцуулах уу
Нийслэл 100 нэр төрлийн бизнесийг зөвшөөрөл, бүртгэлээс чөлөөлжээ
БОУАӨЯ-наас Туулын хурдны замын ажлыг эхлүүлэхийг зөвшөөрлөө
Улаанбаатар хот сүүлийн 5 жилд 8.5 тэрбум ам.долларыг түгжрэлд алджээ
Б.Одбаяр: Өөр компанитай нэр нь давхацсан учраас “ХаоЮань” болгон өөрчилсөн
Туул голын эргээр барьсан бетон ширэнгүүдийг зогсоож, гол руу бохироо цутгахыг иргэд эсэргүүцлээ
Туулын хурдны замыг барихдаа трасс дагуу нөхөн сэргээлт хийнэ
Сэтгэгдэл бичих хэсэг