Д.Отгонбаяр: Энэ гэр бүлийн радио станц нь Цогоо

Төрийн шагналт "Хурд" хамтлаг "Бүсгүй" амьд хөгжмийн бүрэн хэмжээний тоглолтоо энэ сарын 21-ний өдөр "Socialpay"-д хийх гэж байгаатай холбогдуулан тус хамтлагийн гитарчин, ая зохиогч гавьяат жүжигчин Д.Отгонбаярын ярилцлагын хэсгээс хүргэж байна. 

* * *

-Өөр, өөр хүнд төрсөн нэг мэдрэмжийн төвлөрөл байжээ. Хэрвээ “Хурд” хамтлагийнхан өөр газар төрцгөөсөн бол эх орон гэдэг агуулга дээр нэг мэдрэмжээр цуглахгүй байсан гэж та хэлэх гээд байна уу?

 -Цуглахгүй байсан. Бид нар төмөр замын жижигхэн буйдхан сууринд цувж төрсөнд л учир байгаа юм. Тухайлбал, аав цэргийн хүн байж таараад нэг нь хил дээр, нөгөөх нь аймгийн төвд гэхчилэн төрсөн бол бидний урлагийн мэдрэмж нэгэн цул болж чадахгүй байсан байх. Дуунуудын хувьд ард түмний зүрх сэтгэлд аль хэдийнэ оршсон. Харин үүнийг ард түмний сэтгэлд орштол хэн сийлж өгсөн юм бэ. Цогоогийн хоолойгоор дамжуулан “Хурд” хамтлаг урлаж сийлж өгсөн. Цогоо энэ гэр бүлийн эцэг эх, эх орноо хайрлах сэтгэлийг ард түмэнд дамжуулах радио станц, дуу хоолой юм шиг. Тэгэхээр Цогоо энэ гэр бүлийн гишүүн болж төрсөн нь анзаарахгүй орхиж боломгүй утга учрыг өгүүлж байгаа биз.

 Би нэг зүйлийг боддог. Бидний үеийнхний эцэг эхээ хайрлан эрхэмлэхээс эхлээд дагаж мөрдөхийг хичээдэг өв соёлыг орчин үеийн залуус ойлгохгүй, бүр хачирхан гайхдаг байх л даа. Гэхдээ тэдний зүрх сэтгэлд ч асар их энэрэл хайр байж л байгаа. Ээж, аавдаа муухай үг хэлчихээд бодолдоо гэмшсэн ч “Уучлаарай” гэж хэлж чадахгүй тэдний сэтгэлд, монгол сэтгэлгээний онцлог, хүмүүжлийн тусгал байж л байгаа. Яагаад гэвэл бид нарт байсан юм чинь тэдэнд ч байж л таараа шүү дээ. Монголоос өөр хайчих юм бэ, тийм биз дээ. Тийм учраас бид л эцэг эхээ хайрлан энэрэх сэтгэлээ гээлгүй, эх орон, нутаг ус, байгаль дэлхийдээ өгөөмөр халуун сэтгэлээр хандаж, зүй ёсоор харьцаж мэдэрч явах юм бол хүүхэд залуусын суурь мөн зөв тавигдах юм байна. Хүн болгон энэ орчлонд ирэхдээ ямар нэг үүрэгтэй ирдэг. Магадгүй хэн нэгэн төөрчихсөн явж байж ч болох. \Монголын үнэн сониноос\

 * * * 

ХУРД | “БҮСГҮЙ” амьд хөгжмийн тоглолт 6-р сарын 21-ны өдөр SocialPay Park-д зохион байгуулагдана.

Хөтөлбөр эхлэх: 18:00

Хөтөлбөр дуусах: 23:30

Мэдээлэл авах утас: 9913-9933, 8011-9000, 8550-0000

Тасалбар захиалах:

FreshPack апп болон www.FreshPack.mn вэбсайт, 7777-5020

Event X Mongolia: https://www.eventx.mn/event/1747

TICKET.mn Цахим Тасалбар: https://ticket.mn/event/2630

Биет тасалбар:

- Спортын төв ордны урд Хаан банктай байрны 5 давхар /Ticket.mn-ний оффис/

- Shangri la mall B1 давхар М trip

- Emart 4 салбарууд /Хэрэглэгчийн үйлчилгээний төв/