УИХ-ын гишүүн Ж.Чинбүрэн Эрүүл мэндийн сайдын хууль бус баримтыг дэлгэж, прокурорт хандлаа

УИХ-ын гишүүн Ж.Чинбүрэн Эрүүл мэндийн сайд Т.Мөнхсайханд хандан ил захидал илгээлээ. Тэрбээр Эрүүл мэндийн сайд Т.Мөнхсайханы хууль зөрчиж гаднын таван үйлдвэрийн 23 төрлийн эмийг ямар ч сонгон шалгаруулалтгүй оруулж ирсэн баримтыг чинь дэлгэв. Улмаар тэрбээр түүний энэхүү үйлдлийг шалгуулахаар прокурорт хандахаа ч мэдэгдлээ.

Энэ тухайд тэрбээр ил захидалдаа “Эмчийн дүртэй, эрх мэдэл, албан тушаал, ашиг сонирхлын донтон Эрүүл мэндийн саад Т.Мөнхсайхан чиний хэлсэнчлэн хоёр дахин хямд хавдрын эм оруулж ирсэн баримтаа дэлгээрэй. Чиний хууль зөрчиж гаднын таван үйлдвэрийн 23 төрлийн эмийг ямар ч сонгон шалгаруулалтгүй оруулж ирсэн баримтыг чинь дэлгэж байна. Өнгөрсөн хоёр жилийн хугацаанд би эмийн хуулийн төсөл дээр бүтэн хоёр жил ажиллаад хурдан өргөн барихыг хүсэхэд та нар хав дарсан. Аргаа бараад би эмийн чанарыг шалгадаг Түр хороо байгуулж, өөрөө ахлан УИХ, Засгийн газар, ард иргэддээ чанаргүй эм яагаад 2-3 дахин үнэтэй байгааг дэлгэн харуулсан. Үүний үр дүнд Эмийн хуулийн шинэчилсэн найруулгыг 2024 онд баталсан. Ингэж эрхэм сайд танд эмийн чанарыг сайжруулах эрх зүйн орчин бүрэн бүрдсэн.

...Энэ хуулийг түрийвчээ зузаатга гэж хийгээгүй юм шүү. Зовсон олон түмэнд чанартай эм оруулж ирээрэй гэсэн болохоос таныг гаднын эмийн үйлдвэрүүдтэй үнэ тохиролц гэж хэлээгүй. Ямар нэгэн тендерийн харьцуулалтгүйгээр худалдаж авах гурван жилийн гэрээ хийсэн байна. Эхний 9.6 тэрбум төгрөгийг Даатгалын сангаас хууль бусаар төлчихсөн байна. нийтдээ 120 тэрбум төгрөгөөр хууль бусаар эм худалдаж авах гэж байна. Энэ бүхэн нь ил гараад ирэхээр төлбөртэйгөөр хүн гүтгэж, харлуудаг. Чиний энэ технологийг хүмүүс мэддэг болсон. Таны хоёр дахин хямд эмийг өвчтөнүүд хайгаад байна. Эмээ хаана байгааг заагаад өгчих. Би эмийн үнийг өсгөж зарсан баримтуудыг чинь прокурорт өгнө. Хуулийн байгууллагад хоёулаа уулзъя. Т.Мөнхсайхан, чи хүн чанартай байгаа ч зүдэрсэн хүмүүсийн зовлонгоор битгий хөрөнгөө түнтийлгээд байгаа ч” гэжээ.