Баянгол дүүргийн ЗДТГ-аас иргэдийн эрүүл аюулгүй орчин нөхцөлийг бүрдүүлэхэд чиглэсэн хотын стандартын танилцуулга болон дүүргийн худалдаа үйлчилгээ эрхлэгч аж ахуйн нэгж байгууллагад холбогдох UCS 1202В:2022 буюу “Худалдаа үйлчилгээний газрын гадна сурталчилгааны байгууламжид тавих ерөнхий шаардлага” хотын стандартын сэдэвчилсэн сургалтыг нийслэлийн Хот байгуулалт, хотын стандартын газартай хамтран зохион байгууллаа.
Сургалтын үеэр Хот байгуулалт, хотын стандартын газрын Худалдаа, үйлчилгээний байгууллагын стандарт хариуцсан мэргэжилтэн Т.Болорчимэг худалдаа, үйлчилгээ эрхлэгчдийн гадна хаягийн стандарт ямар байх талаар сургалт явуулж, зөвлөмж мэдээлэл өглөө. Ингэхдээ “Хаягийг монгол хэлээр бичнэ. Англи хэлээр бичих тохиолдолд монгол бичвэрийн доод талд эсвэл хойно хоёр дахин бага хэмжээгээр бичнэ. Хаягийг байрлуулахдаа нэг орон зайд нэг жигд загвар, хэмжээтэй байх зарчмыг баримтлах бөгөөд хаягийн нийт хэмжээ фасадын 20 хувиас хэтрэхгүй байх ёстой” гэдгийг онцолсон юм.
Мөн Хот байгуулалт, хотын стандартын газрын мэргэжилтэн Б.Болор хотын стандартыг мөрдүүлэх чиглэлээр гарсан хууль тогтоомж болон нийслэлийн Иргэдийн Төлөөлөгчдийн хурлаас гарсан “Хотын стандартыг батлуулах, хэрэгжилтийг зохион байгуулах журам”-ын талаар мэдээлэл өглөө.
Сургалтад дүүрэгт үйл ажиллагаа эрхэлдэг худалдаа, үйлчилгээний байгууллагынхан оролцсон юм.
Ногоон нуур орчимд цэцэрлэгт хүрээлэн байгуулах ажлын хүрээнд 69 нэгж талбарыг чөлөөлжээ
Хот нийтийн аж ахуйн салбарт 300 орчим машин техникээр парк шинэчлэл хийжээ
Авто зам барихгүйгээр түгжрэлээс салах гэж дахин 20-30 жилийг зарцуулах уу
Нийслэл 100 нэр төрлийн бизнесийг зөвшөөрөл, бүртгэлээс чөлөөлжээ
Улаанбаатар хот сүүлийн 5 жилд 8.5 тэрбум ам.долларыг түгжрэлд алджээ
Б.Одбаяр: Өөр компанитай нэр нь давхацсан учраас “ХаоЮань” болгон өөрчилсөн
Туул голын эргээр барьсан бетон ширэнгүүдийг зогсоож, гол руу бохироо цутгахыг иргэд эсэргүүцлээ
Туулын хурдны замыг барихдаа трасс дагуу нөхөн сэргээлт хийнэ
Сэтгэгдэл бичих хэсэг