Баянгол дүүргийн Удирдах ажилтны шуурхай зөвлөгөөн боллоо ~ Suvag.mn

Баянгол дүүргийн Удирдах ажилтны шуурхай зөвлөгөөн өнөөдөр болж, дүүргийн Засаг дарга Ө.Сумъяабаатар удирдан явууллаа. Өнгөрсөн шуурхай зөвлөгөөнөөс нийт 14 үүрэг даалгавар өгснөөс хэрэгжилт 90.7 хувьтай байна.

Өнөөдрийн шуурхай зөвлөгөөнөөр холбогдох дүүрэгт хийгдэж байгаа хөрөнгө оруулалтын ажил, газар чөлөөлөлт, хаврын бүх нийтийн их цэвэрлэгээ, ногоон байгууламж, 1800-1222 утсанд иргэдээс ирсэн санал хүсэлт, гомдлын шийдвэрлэлт болон дүүрэгт гарч байгаа гэмт хэргийн нөхцөл байдлын талаарх мэдээллийг сонслоо. Тухайлбал, Нийслэлийн Засаг даргын 2025 ны А/237 захирамжийн хүрээнд Баянгол дүүрэгт гуравдугаар сарын 17-24-ний өдрүүдэд нийт 24 байгууллагын 30 гаруй албан хаагч ажилласан. Шалгалтаар давхардсан тоогоор нийт 2400 гаруй зөрчил илэрсэн бөгөөд илэрсэн зөрчлийг арилгуулахаар ажиллаж байна гэсэн мэдээллийг өглөө.

Шуурхай зөвлөгөөний үеэр дүүргийн Засаг дарга Ө.Сумъяабаатар нийслэлийн Удирдах ажилтнуудын шуурхай зөвлөгөөнөөс өгсөн үүрэг даалгаврыг танилцуулж цаг үеийн асуудлаар холбогдох хэлтсийн дарга нарт дараах үүрэг даалгаврыг өглөө. Үүнд,

ХОТ ТОХИЖИЛТЫН АЖЛЫН ХҮРЭЭНД:

“Баянгол шинэ Өргөө” ОНӨААТҮГ хогны татвар бүрдүүлэлт болон хог тээвэрлэлтийн талаар нэгдсэн байдлаар танилцуулга мэдээлэл өгөх,
Газар чөлөөлөлтийн ажлыг эрчимжүүлэх ажлын хүрээнд гарааш буулгах, хашаа хайс буулгаж орц гарц чөлөөлөх, ТҮЦ-үүдийг нүүлгэх ажлыг зохион байгуулах,
“Баянгол цэцэрлэгт хүрээлэн” ОНӨТҮГ-аас экологийн боловсрол олгох талаар сургалт зохион байгуулах, мод тарих боломжит газрын судалгааг гаргах,
Нийслэлийн хэмжээнд эзэнгүй нохой, муур барих ажлын хүрээнд бэлтгэл ажлыг хангах,
Дүүргийн хэмжээнд гал түймрээс урьдчилан сэргийлж үзлэг шалгалт хийх,
Дүүргийн хэмжээнд халуун сүү, цагаан идээгээр үйлчилдэг газрын судалгааг гаргах,
Эвдэрч гэмтсэн автозам, замын хашлага, хашаа хайсыг засварлах, шинэчлэх ажлыг эхлүүлэх
Нийтийн эзэмшлийн гудамж, зам талбай, гэрэлтүүлгийн шонгийн ил гарсан цахилгааны утсыг цэгцлэх ажлыг зохион байгуулж, аюулгүй байдлыг хангах,

ЦАГ ҮЕИЙН АСУУДЛЫН ХҮРЭЭНД:

“Баянгол Хүүхдийн зуслан” ОНӨТҮГ-ын үйл ажиллагааг эхлүүлэх бэлтгэл ажлыг хангах, төлөвлөгөө танилцуулах,
Дүүргийн хэмжээнд орон сууцны орцны өнгө үзэмжийг сайжруулах талаар аян зарлах,
Дүүргийн хэмжээд нэн шаардлагатай байгаа камерын судалгааг нягтлах
“Элсэлтийн шалгалт-2025” болзолт уралдааны хүрээнд төгсөх ангийн сурагчдын дунд “Баянгол сорилго” урьдчилсан сорилго зохион байгуулах,
Гэмт хэрэг, зөрчил, гомдлын дуудлагын мэдээлэл ихээр ирдэг байгууллагын удирдлагуудтай хамтарсан уулзалт хийх,
Хороодын Засаг дарга нар хороонд ажиллах төлөвлөгөөг боловсруулах, 5-6 дугаар сард танилцуулах,

Баянгол дүүргийн Удирдах ажилтны шуурхай зөвлөгөөн боллоо

Сэтгэгдэл бичих хэсэг

Видео

Шинэ мэдээ

Баянгол дүүргийн Удирдах ажилтны шуурхай зөвлөгөөн боллоо

Холбоотой мэдээ

Сэтгэгдэл бичих хэсэг

Видео

Шинэ мэдээ