Сайн туршлага, шинэлэг санаа хэрэгжүүлж буй хоршоодыг танилцууллаа

     Ð‘аруун бүсийн хоршоологч, малчид өнөөдөр Завхан аймагт чуулж, зөвлөлдлөө. Энэхүү зөвлөгөөнд Монгол Улсын сайд, ЗГХЭГ-ын дарга Д.Амарбаясгалан оролцсон бөгөөд зөвлөгөөнийг нээж хэлсэн үгэндээ эрсдэлд тэсвэртэй бөгөөд тэнцвэртэй, олон улсын жишигт нийцсэн бие даасан мал аж ахуйн салбар болон чинээлэг малчин бий болгох зорилгоор “Шинэ хоршоо” хөдөлгөөнийг эхлүүлсэн гэдгийг тодотгов.

Баруун бүсээс хамгийн анхын зээлийг Завхан аймгийн Тосонцэнгэл сумын “Гурван толгодын шимт” хоршоо авчээ. Тус хоршоо 13 гишүүнтэй бөгөөд Төрийн банкнаас 120 сая төгрөгийн хөрөнгө оруулалтын зээл авч, үйл ажиллагаагаа өргөжүүлэх боломжтой болжээ. Хоршооны гишүүд өөрсдийн мал хөрөнгөө барьцаалан сүүний үнээ, 10 га талбайн услалтын систем, хадлан тэжээл бэлтгэх трактор, тоног төхөөрөмж зэргийг цогцоор нь худалдан авах зорилготой төсөл бичсэн байна. Мөн ногоон тэжээл тариалах, үрийн будаа худалдан авах зэрэгт санхүүжилтээ зарцуулахаар төлөвлөжээ.
     ÐœÓ©Ð½ зөвлөгөөний үеэр хоршоодын сайн туршлага, шинэлэг санаанаас танилцуулсан юм. Тухайлбал, сайн туршлагын тухайд, компанийн сисмтем Ñ€Ò¯Ò¯ шилжиж буй Сэлэнгэ аймгийн Жавхлант сумын “Бумбат таван богд” хоршоог танилцууллаа. Тус хоршоо 310 гишүүнтэй ч үндсэн дөрөв, гэрээт 12 ажилтантайгаар сүүний үйлдвэр, цагаан идээ боловсруулах, мал, мах түүхий эд бэлтгэл, газар тариалан, аялал жуулчлал гэсэн чиглэлээр үйл ажиллагаа явуулдаг байна. Улмаар “Шинэ хоршоо” хөдөлгөөнд нэгдэж, хоршоонд шаардлагатай тоног төхөөрөмж худалдан авахаас гадна Улаанбаатар хотод бүтээгдэхүүнээ худалдан борлуулах дэлгүүр нээх зорилгоор 571 сая төгрөгийн зээл авчээ. Тэд авч буй зээлээ үхмэл хөрөнгөд зарцуулахгүйгээр эргээд зээлээ төлж болохуйц хөрөнгийг өөрсдөдөө бий болгож, техник, тоног төхөөрөмжөө ашиглан хоршооны гишүүддээ хөнгөлөлттэй үнээр үйлчилгээ үзүүлж, хамтарч ажилласнаар өөрсдийн ажлыг хөнгөвчлөхөөс гадна хүн хүчний дутагдалт ордоггүй байна.

        Шинэлэг санаа нэвтрүүлж буй хоршооны төлөөллөөр Говь-Алтай аймгийн Чандмань сумын 15 гишүүн, есөн малчин өрхөөс бүрдсэн “Чандмань холбоо цахир” хоршоог онцоллоо. Тус хоршоо шинэлэг санал санаачилгаар буюу эрсдэлд тэсвэртэй мал аж ахуйг бий болгох чиглэлээр үйл ажиллагаагаа явуулж эхэлжээ. Тухайлбал, үхрийн дулаан хашаа, саравчийг барьж эхэлсэн бөгөөд ингэхдээ салхин талд нь 30 мод тарьсан байна.
Дараагийн онцлох хоршоо бол ноолуурын гарц ихэсгэх зорилго дор 13-уулаа нэгдсэн, Ховд аймгийн Алтай сумын “Чонжийн бор толгой” хоршоо байлаа. Тус хоршооныхон 100 сая төгрөгийн зээл авч, түүгээрээ ноолуурын үүлдрийн ямаа болон сүү, махны чиглэлийн үнээ, үхэр авсан байна.