Д.Амарбаясгалан: Цас зуд сонгуулийн жилийг тааруулж биш уур амьсгалын өөрчлөлтөөс үүдэж болсон учраас улстөржүүлэх шаардлагагүй

АН-ын гишүүн,  хуульч Ð¥.Номингэрэл, эдийн засагч Ðœ.Чимэддорж нарын зүгээс   Уламжлалт мал аж ахуйд тулгамдаж буй  уур амьсгалын өөрчлөлтөөс шалтгаалсан сөрөг нөлөөллийг бууруулах тухай хуулийг эсэргүүцэн хэвлэлийн бага хурал хийсэн.

Тэгвэл ЗГХЭГ-ын дарга, уг хуулийг санаачлагч Д.Амарбаясгалан тэдэнд хариу тайлбар өглөө. Тэрбээр  “Хөдөө явж үзээгүй, хөдөөгийн амьдрал мэдэхгүй хэдэн нөхөр хэвлэлийн хурал хийж харагдсан. Улс төржихөөсөө өмнө малчдын амьдрал ямар байгааг эхлээд судалж, очиж харах хэрэгтэй гэж хэлмээр байна.  Энэ өвлийн зуд улсын хэмжээнд маш хүнд туслаа. Газар нутгийн 90 хувь нь цасан бүрхүүлтэй,  улс орон даяар ихээхэн хэмжээний мал хорогдсон. Урьдчилсан үнэлгээ хийхэд ОБЕГ төдийгүй олон улсын байгууллагаас 20 орчим сая мал хорогдоно гэсэн дүгнэлт гаргаж байсан. 

Тиймээс Засгийн газраас малчдадаа малаа эргэлтэд оруулахыг уриалж, их хэмжээний мах бэлтгэлийн ажлыг зохион байгуулах ажлыг өнгөрсөн оны арванхоёрдугаар сараас эхлүүлсэн.  Мөн  энэ оны 2-3  дугаар сард  Засгийн газраас сайд нараар ахлуулсан Шуурхайн ажлын хэсгийнхэн газар дээр нь очиж  ажиллан, малчдад нэн тулгамдсан, шаардлагатай тусламж дэмжлэгийг  үзүүлж ажилласан.  Эдгээр ажлын үр  дүнд өнөөдрийн байдлаар 7.5 орчим сая малын хорогдолтой байна. 5000 гаруй айл өрх нийт малынхаа 70 орчим хувийг алдсан, үндсэндээ орлогогүй болсон байдалтай байна. Түүнчлэн зудын нөхцөл байдал 10 жилээр тоологддог байсан бол одоо жил дамнан яригддаг болсон. Давтамж нь ойртсон гэсэн үг.  ÐœÐ°Ð»Ñ‡Ð´Ð°Ð´ олгодог арилжааны банкны зээл жилийн 20-24 хувийн хүүтэй байдаг.

Нэг ёсондоо сарын хоёр хувийн хүүтэй мөнгөөр малчид маань амьдарч байна. Улаанбаатар хотод хоёр хувийн хүүтэй мөнгө ББСБ-д л байгаа шүү дээ. Гэтэл малчдад ийм боломж алга. Тэгэхээр жилийн зургаа буюу сароын 0.5 хувийн хүүтэй хөрөнгө оруулалтын боломжийг малчдадаа олгосноор малчид маань өөрсдөө үйлдвэрлэл эрхлэх боломжийг бий болгож байгаа юм. Малчдад  малаа хэрхэн  маллах аргыг  би ч, Л.Гантөмөр ч, Ñ‚Ó©Ñ€ ч заахгүй.  Харин  мал маллах ухаан нь байгаад эдийн засгийнх нь боломж байхгүй бол Засгийн газрын зүгээс эдийн засгийнх нь боломжийг олгож өгөх хэрэгтэй биз дээ. Энэ ажлыг сонгуультай хутгаж бодмооргүй байгаа юм. Засгийн газрын үйл ажиллагаа сонгуулийн жил ч бай сонгуулийн өдөр ч бай  хэвийн явагдаж байх ёстой. Сонгууль болж байна гэдэг нэрийдлээр ард иргэдийн, малчдын амьдрах, амьдралаа дээшлүүлэх боломжийг үгүйсгэж, хойш тавьж болохгүй. Засгийн газрын үйл ажиллагаа тогтвортой, хэвийн явж байна. Энэ жилийн цас зуд сонгуулийн жилийг тааруулж ирээгүй шүү дээ.  Харин энэ цас зуд уур амьсгалын өөрчлөлтөөс ирсэн. Үүнийг арилгах, сөрөн давах,  малчдаа тэсвэртэй болгоход  Засгийн газрын бодлого оршиж байгаа юм” гэлээ.