“Шинэ хоршоо” хөдөлгөөн хэрэгжсэнээр үнэ өсөхөөс сэргийлж чадна

ЗГХЭГ-ын дарга Д.Амарбаясгалангийн санаачилсан Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай  хуулийн төслийг  УИХ-ын нэгдсэн чуулганаар эцэслэн баталсан. Хуулийн хүрээнд Засгийн газраас “Шинэ хоршоо” хөдөлгөөнийг өрнүүлж, хоршооны гишүүн малчдад 6 хувийн хүүтэй, 80-100 хувийн батлан даалтаар 50 сая хүртэлх төгрөгийн зээл олгох боломжтой болсон билээ. 

“Шинэ хоршоо” хөдөлгөөнд хэрэгжсэнээр хүнсний бүтээгдэхүүний үйлдвэрлэл нэмэгдэж, дотоодын үйлдвэрлэлийг хөгжүүлэх, ажлын байрыг бий болгох зэрэг олон талын ач холбогдолтой хэмээн Засгийн газраас үзэж байгаа аж. Тухайлбал, Малаас гарах түүхий эдийг авч анхан шатны боловсруулалтыг хоршоон дээр хийгээд улмаар олон шат дамжлагагүйгээр шууд хэрэглэгч, үйлдвэрлэгч рүү нийлүүлэх боломжыг бүрдүүлэх, түүхий эдийг малчнаас үйлдвэрлэгч рүү хагас боловсруулсан түүхий эдийг хэрэглэгч хүртэл нийлүүлэх шат дамжлагыг бууруулсан тохиолдолд хангамж, нийлүүлэлт тогтворжиж үнэ өсөхөөс сэргийлж чадна” гэж тооцоолж байгаа юм.