Монгол Улсын Ерөнхийлөгч Х.Баттулга та оффшор бүст нуусан мөнгөө оруулж ирж, ядарсан ард түмэндээ туслаач

Ерөнхийлөгч Х.Баттулгатай холбоотой тун ноцтой мэдээллийг Өдөр тутмын сонинуудын “Эрэн сурвалжлагч” нэгдэл дэлгэв.

Дараа нь охин Б.Намууныхаа нэр дээр шилжүүлсэн байх аж. Тэр ч бүү хэл Х.Баттулга Сингапурын Сентоза арал дээр хэдэн арван сая ам.долларын үнэтэй вилла, төрсөн дүү Х.Баттуулынх нь эхнэр Н.Алтанцэцэгийн нэр дээр 2.299 тэрбум төгрөгийн үнэ бүхий өөрийн эзэмшлийн талбайтай, гурван давхар тансаг амины орон сууцыг АНУ-ын Вашингтон хотын Даллис нисэх онгоцны буудлаас холгүй газар худалдан авсан. Мөн “Түмэн хишигтэн” компаниараа АНУ-ын Нью Йорк мужийн Ниагара хотод бас л хэдэн гар дамжуулж үл хөдлөх хөрөнгө худалдан авсан нь АНУ-ын үл хөдлөх хөрөнгийн бүртгэлээс бас гарч ирэв. Өөрөөр хэлбэл, Монгол Улсын Ерөнхийлөгч Х.Баттулга гэдэг төрөөсөө баян, хуулиасаа дээгүүр эрх мэдэлтэн бий болсныг дээрх баримтууд гэрчилж буй. Үүнээс үүдэн Монгол Улсын Ерөнхийлөгч Х.Баттулга дээрх хөрөнгө мөнгийг хэрхэн цуглуулснаа тайлбарлах ёстой.

Монгол Улс 2017 оны дөрөвдүгээр сард Хувийн ашиг сонирхлын тухай хуульд нэмэлт оруулж, төрийн албан тушаалтнууд болон түүний хамаарал бүхий этгээдүүдэд оффшор бүсэд өмч хөрөнгөтэй байх, компанитай байхыг хатуу хориглосон. Гэвч Х.Баттулга өөрийнхөө нуусан хөрөнгийг далдалж, өнгөрсөн дөрвөн жил “Офшшор бүст байгаа хөрөнгийг оруулж ирнэ гэж худлаа “шоудсан” болж таарлаа. Тэрбээр оффорт нуусан хөрөнгөө ил гарахаас айж бүхэл бүтэн дөрвөн жил ард түмнийхээ толгойг худал амлалт, хөөсөрсөн мэдээллээр угаажээ.

Баримт сөхөж үзье.

1. Х.Баттулга УИХ-ын сонгуульд нэр дэвшингүүтээ “Би оффшорчидтой тэмцэж, хариуцлага тооцно” гэдгээ мөрийн хөтөлбөртөө тусгасан. Түүгээр ч үл барам сонгуулийн оргил үе болох VI сард үүнийгээ улам бататгаж оффшорчдын эсрэг тэмцэхээр байгуулагдсан “Ард түмний онц зөвлөл”/АТОЗ/-той оффшорт нуугдсан 17 тэрбум ам.долларыг эргүүлэн татаж, эздэд нь хариуцлага тооцно” гэж гэрээнд гарын үсэг зурав.
2.  Монгол Улсын Ерөнхийлөгчөөр сонгогдсныхоо дараа Монгол Улсын Ерөнхийлөгч Х.Баттулга миний бие оффшор бүсэд данстай улстөрчид, төрийн албан хаагчид, тэдний хамаарал бүхий этгээдүүдэд хандан 2017 оны долдугаар сарын 24-ний өдрөөс хойш 49 хоногийн дотор оффшор дансаа хааж, тэнд байршуулсан мөнгөн хөрөнгөө Монголын банкинд оруулж ирэхийг уриалж байна. Дурдсан хугацаанд Монголын банкууд руу татагдаагүй мөнгөн хөрөнгө, түүнийг эзэмшигчдийн асуудлыг холбогдох хуулийн дагуу илрүүлэн илчилж, зохих хариуцлага хүлээлгэх нь шударга ёсонд нийцнэ хэмээн үзэж байна гэх сүржин үгтэй уриалга гаргав.
3. Ерөнхийлөгч Х.Баттулга АНУ-д айлчлах үеэрээ “АНУ-ын талаас НҮБ-ын авлигын эсрэг конвенцийн тодорхой заалтын хүрээнд оффшор дансан дахь мөнгө, авлигын мөнгөөр худалдан авсан АНУ дахь үл хөдлөх, хөдлөх хөрөнгийг Монголын талд шилжүүлэх, ямар хөрөнгө хаана байгааг илрүүлэх зэрэг хүсэлт гаргав.
4. УИХ-ын чуулганы нээлт бүр дээр “Оффшор бүсээс мөнгө татаж ирнэ” хэмээн үг хэлэв.
5. Ерөнхийлөгч Х.Баттулгын оффшортой хийсэн тэмцэл амжилтад хүрч 2021 оны сонгуулиас өмнө хэд хэдэн оффшор мөнгө орж ирэхээр болжээ гэдэг мэдээллийг байнга цацаж эхлэв.

Гэвч оффшорчдын хөрөнгө байгаа газраа, тэр бүү хэл Х.Баттулга Ерөнхийлөгчийн өөрийнх нь хөрөнгө бүр баталгаатай газар байршиж, улам бүр өссөөр л байна. Шударга ёс ярьж, хууль дээдлэхийг уриалдаг Х.Баттулга Ерөнхийлөгчөөс одоо хүсэх ганц л зүйл үлдэв. Covid19 цар тахалд нэрвэгдсэн улс орон чинь хүнд байна. Эдийн засаг чинь элгээрээ мөлхөж, ядарсан ард түмний чинь амьдрал уруудаж доройтоод байна. Та бусад баячуудын хөрөнгийг оффшор бүсээс татаж авчирч чадсангүй. Одоо өөрийнхөө оффшор дансанд байгаа мөнгийг авч ирж, хүнд цаг үед улс орондоо гавьяа байгуулахыг уриалж, бас шаардаж байна. Монгол ялна гэж та уриалсан. Одоо ялсан Монгол ямар хүн байдгийг ард түмэн чинь харахыг хүсч байна.

Эх сурвалж: undesten.mn