БЗД-ээс сонгогдсон УИХ-ын гишүүд дүүргийнхээ ОК-д тусламж үзүүлжээ

Нийслэлийн Баянзүрх дүүргээс УИХ-д сонгогдсон гишүүд дүүргийнхээ онцгой комисст мөнгөн болон эд материалын туслалцаа үзүүлсэн байна.

УИХ-ын гишүүн Х.Булгантуяа өөрийн сошиал хуудастаа "БЗД-ээс сонгодсон гишүүд Ж.Чинбүрэн, Б.Саранчимэг, Э.Бат-Амгалан, Б.Энхбаяр, бид Дүүргийн онцгой комисст мөнгөн болон эд материалын тусламж үзүүлэн ажиллаж байна. Хүрэлцээ муутай байгаа ариутгалын бодис, маск, халуун хэмжигч, хүнсний зүйлс гээд нэн шаардлагатай зүйлсээр болон мөнгөн дэмжлэг өгч иргэд, онцгой нөхцөлд ажиллаж байгаа хүмүүсдээ онцгой анхаарал хандуулж байна. Гэхдээ 362'000 хүн амтай дүүрэгт нөхцөл байдал амаргүй байна. Дүүргийн маш олон иргэд зах худалдааны төвийг түшиглэн өрхийн амьжиргаагаа залгадаг байсан бол бүрэн зогслоо. Дүүргийн 4,9-р хороонд халдвар бүртгэгдэж хөл хорионы маш хатуу дэглэмд шилжлээ. Тиймээс та бүхнээс УОК-т уламжлах санал хүсэлт байвал надад comment эсвэл chat бичээрэй. Би өдөр бүр УОК-т уламжлан ажиллах болно. Иргэд минь онц байдалд онцгой сонор сэрэмжтэй байж, орон гэртээ аюул халдвараас хол, бие биеэ хайрлан хүндэтгэж, амар төвшин байгаарай" хэмээн бичжээ.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй.

Сэтгэгдэл бичих хэсэг

© 2019. All Rights Reserved. Вэб сайтыг DsSoft LLC.